တရားထိုင်ခြင်းဟာ အကျိုးကျေးဇူးများတယ်ဆိုတာ လူတိုင်းလိုလိုသိကြပေမဲ့ ခက်ခဲနက်နဲတဲ့ကိစ္စလို့ ထင်မြင်ကြပြီး တစိုက်မတ်မတ်လုပ်ကြတဲ့သူရှားပါတယ်။ အထူးသဖြင့် လူငယ်အများစုက တရားထိုင်တာဟာ ဘာသာရေးအလုပ်ဖြစ်ပြီး ငယ်ရွယ်စဉ်မှာ မလိုအပ်သေးဘူးလို့ထင်ကြပါတယ်။ ဒါပေမဲ့ တရားထိုင်ခြင်းကို တပတ်လောက်လုပ်ကြည့်လိုက်ရင်ပဲ ခံစားရတဲ့ကောင်းကျိုးတွေကို သိရှိလာနိုင်ပြီး အကျိုးကျေးဇူးတွေကိုလည်း လက်တွေ့ကြုံလာရမှာဖြစ်ပါတယ်။ ဘ၀မှာ စိတ်တည်ငြိမ်ခြင်း၊ စိတ်အေးချမ်းခြင်းကို ပိုင်ဆိုင်လာတဲ့အခါ ပျော်ရွှင်ချမ်းမြေ့ပြီး လူမှုရေးဆိုင်ရာပြဿနာများ၊ ကျန်းမာရေးဆိုင်ရာပြဿနာများလည်း လျော့ပါးလာမှာ အသေအချာပါပဲ။
တရားထိုင်ခြင်းဟာ ကိုယ်စိတ်နှစ်ပါးလုံးမှာ ငြိမ်းချမ်းမှုအပြည့်တည်ဆောက်ခြင်း ဖြစ်ပါတယ်။ နေ့စဉ်ဘ၀မှာ လူတွေဟာ အမျှင်မပြတ်တွေးတောကြံဆနေကြပြီး ခန္ဓာကိုယ်က အိပ်စက်အနားယူနေရင်တောင် စိတ်နှလုံးက အလုပ်လုပ်နေဆဲပါပဲ။ ဦးနှောက်ဟာ ခန္ဓာကိုယ်က အိပ်နေစဉ်မှာတောင် အလုပ်လုပ်နေဆဲဖြစ်တဲ့အတွက် အနားယူဖို့အချိန်တစ်ချိန် မဖြစ်မနေလိုအပ် ပါတယ်။ အမြဲလည်ပတ်နေတဲ့စက်တစ်လုံးဟာ ပြုပြင်ထိန်းသိမ်းရေးကို မကြာမကြာလုပ်ပေးဖို့ လိုသလိုပဲ ကျွနိုပ်တို့ရဲ့ ဦးနှောက်ဟာလည်း မကြာခဏ သန့်စင်ရှင်းလင်းပေးဖို့ လိုအပ်ပါတယ်။ ဒါမှသာ အလုပ်ကောင်းကောင်းလုပ်နိုင် အတွေးကောင်းတွေတွေးနိုင်ပြီး ကျွန်ုပ်တို့လုပ်သမျှ တည့်မတ်မှန်ကန်နေမှာမဟုတ်ပါလား။ တရားထိုင်ခြင်းဟာ ဘာသာတရားကို အခြေခံတာမှန်ပေမဲ့ ယခုဖော်ပြမယ့်တရားထိုင်ခြင်းက တော့ နေ့စဉ်ဘ၀ရဲ့ပူပင်မှု၊ ပင်ပန်းမှုတွေကို ဖြေလျှော့တဲ့အနေနဲ့ပြုလုပ်သင့်တဲ့ တရားထိုင်ခြင်း ရဲ့ အကျိုးကျေးဇူးကို ဖော်ပြထားတာဖြစ်ပါတယ်။
စိတ်တည်ငြိမ်မှု ရရှိခြင်း - တခါတရံမှာ ဘာလုပ်ရမှန်းမသိလောက်အောင် တွေဝေရတဲ့အခါမျိုးတွေ လူတိုင်းမှာ ရှိတတ်ကြပါတယ်။ စိတ်တွေရှုပ်ထွေးပြီး သေချာရှင်းလင်းအောင် မတွေးနိုင်လို့ အခြေအနေတစ်ခုမှာ ကိုယ်ဘယ်လိုနေရာကနေ ပါဝင်ဖြေရှင်းရမယ်ဆိုတာ သေချာမသိနိုင်တာမျိုးပဲ ဖြစ်ပါတယ်။ စိတ်မတည်ငြိမ်ဘူး ဆိုရင် ရှင်းရှင်းလင်းလင်းမစဉ်းစားနိုင်တဲ့အတွက် ခံစားချက်တွေကိုလည်း မထိန်းချုပ်နိုင်ပဲ မှားယွင်းတတ်ပါတယ်။ တရားထိုင်ခြင်းကို ခပ်ကြာကြာလေးလုပ်လိုက်တဲ့အခါမှာတော့ စိတ်ကိုတည်ငြိမ်အောင် ထားတတ်လာပြီး တစ်ခုခုကြုံလာတဲ့အခါ တည်ငြိမ်အောင်ထိန်းလာနိုင်တဲ့အတွက် မိမိရဲ့ရင်တွင်းဆန္ဒကို သေချာမြင်နိုင်လာမှာ ဖြစ်ပါတယ်။ အဲဒီအခါမှာ “လိုချင်ခြင်း “ နဲ့ “လိုအပ်ခြင်း” ကို သေချာခွဲခြမ်းစိတ်ဖြာလာနိုင်ပြီး ရောထွေးတဲ့ ဆုံးဖြတ်ချက်မျိုးကို မချမိတော့ပဲ ဘ၀ကိုမှန်ကန်တည့်မတ်စွာ လျှောက်လှမ်းနိုင်လာမှာဖြစ်ပါတယ်။ သင့်ရဲ့စိတ်အစဉ်ဟာ အောက်ခြေကိုမြင်ရတဲ့အထိ ကြည်လင်နေတဲ့ ရေကန်လိုမျိုးဖြစ်နေမယ်ဆိုရင် အရာရာကို မြင်နိုင်လို့ ခြေလှမ်းတိုင်း ခြေလှမ်းတိုင်းကို အန္တရာယ်ကင်းစွာ လျှောက်လှမ်းနိုင်မှာဖြစ်ပါတယ်။
စိတ်အေးချမ်းမှု ရရှိခြင်း - တရားထိုင်ခြင်းရဲ့ အကျိုးကျေးဇူးနောက်တစ်ခုကတော့ စိတ်အေးချမ်းမှုရရှိခြင်းပဲ ဖြစ်ပါတယ်။ တရားထိုင်ခါစမှာတော့ စိတ်ဟာ ကယောက်ကယက်နဲ့ မတည်ငြိမ်နိုင်သေးတဲ့အတွက် စိတ်တည်ငြိမ်အောင်ထိန်းဖို့ သိပ်ကို ခက်ခဲနေတတ်ပါတယ်။ စိတ်ဟာ ငြိမ်ငြိမ်မနေလိုပဲ ဟိုဟိုဒီဒီတွေးရင်း အရေးမပါတာတွေရော အရေးပါတာတွေပါ အကုန်ဦးနှောက်ထဲပေါ်လာတော့တာပါပဲ။ ဒါပေမဲ့ ပုံမှန်တရားထိုင်ရင်းနဲ့ ကျင့်သားရလာတဲ့အခါ စိတ်ကိုတည်ငြိမ်အောင်ထိန်းလာနိုင်ပြီး အတွေးတွေရပ်တန့်လို့ အနားယူငြိမ်သက်နေတဲ့စိတ်နှလုံးကို ပိုင်ဆိုင်လာမှာဖြစ်ပါတယ်။ တရားထိုင်ချိန်ကာလတစ်ခဏလေးမှာပဲဖြစ်ဖြစ် စိတ်ကိုအေးချမ်းအောင် ထားနိုင်လိုက်တာဟာ ဘယ်အခြေအနေမှာပဲဖြစ်ဖြစ် စိတ်ကိုအေးချမ်းအောင် ထားနိုင်ဖို့ ကြိုတင်လေ့ကျင့်မှုတစ်ခုပါပဲ။ ဒါ့အပြင် စိတ်အစဉ်ဟာ တည်ငြိမ်အေးချမ်းနေပြီး အရာအားလုံးကို အနှေးပြကွက်လို ပြန်မြင်ယောင်ကာ မိမိရဲ့အတွေးအမြင်တွေ၊ လုပ်ဆောင်ချက်တွေ၊ မိသားစုဆက်ဆံရေးတွေ နဲ့ပတ်သက်ပြီး သင့်တင့်မျှတစွာ နေထိုင်မယ့်နည်းလမ်းကို ရှာဖွေတွေ့ရှိသွားတတ်ပါတယ်။ တည်ငြိမ်အေးချမ်း စွာနေထိုင်နိုင်ခြင်းရဲ့ နောက်ကွယ်က အနှစ်သာရဟာ တရားထိုင်ခြင်းကနေရရှိတဲ့ အလုံးစုံငြိမ်းအေးခြင်း သဘောတရားပါပဲ။
စိတ်ဖိစီးမှုဆိုင်ရာ ရောဂါဝေဒနာများကို သက်သာလျော့ပါးစေခြင်း - တရားထိုင်ခြင်းဟာ စိတ်နှလုံးကို ကုစားပေးရုံသာမက စိတ်ဖိစီးမှုကိုလည်း လျော့ပါးစေကာ စိတ်ဖိစီးမှုကနေ ဖြစ်ပေါ်လာစေတဲ့ဆိုးကျိုးတွေကိုပါ ဖယ်ရှားပေးပါတယ်။ ဒါကြောင့် စိတ်ပင်ပန်း လူပင်ပန်းမှုကြောင့် အဖြစ်များတတ်တဲ့ နှလုံးရောဂါ၊ လေဖြတ်ခြင်း၊ ဆီးချိုရောဂါ၊ ခန္ဓာကိုယ်နာကျင်ကိုက်ခဲမှုနဲ့ ခေါင်းကိုက်ဝေဒနာတို့ ဖြစ်ပွားမှုကို လျှော့ချပေးပါတယ်။ စိတ်ဓါတ်ကျခြင်း၊ အိပ်မပျော်ခြင်းနဲ့ အိပ်စက်မှုဆိုင်ရာပြဿနာတွေကိုလည်း တရားထိုင်ခြင်းဖြင့် သက်သာလျော့ပါးလာအောင် ကုစားနိုင်ပါတယ်။
လက်တွေ့သဘောအရပြောရရင် တရားထိုင်ခြင်းဆိုတာဟာ စိတ်ကို ရှင်းနိုင်သမျှ ရှင်းအောင်၊ ငြိမ်နိုင်သမျှ ငြိမ်အောင်ထားပြီး “ဗလာသက်သက် ကင်းဗတ်စ” တစ်ခုလို ဖြစ်အောင် စိတ်နှလုံးကို သန့်စင်လိုက်ခြင်းပါပဲ။ သင်ဟာ သင့်ဘ၀ရဲ့ ပန်းချီဆရာဆိုရင် “ဗလာသက်သက်ကင်းဗတ်စ” လိုဖြစ်နေတဲ့ သင့်ရဲ့စိတ်ကလေးပေါ်မှာ သင်လိုရာပန်းချီကားကို ဆွဲနိုင်တော့မှာပဲပေါ့။ ရေအလျဉ်လိုကြည်လင်နေတဲ့ စိတ်အာရုံရှိမှသာ အဆုံးမဲ့ဖန်တီးနိုင်စွမ်းနဲ့ သင့်စိတ်ကြိုက်ဘ၀ပန်းချီတစ်ခုကို ဆွဲနိုင်မှာဖြစ်ပါတယ်။ တစ်နေ့မှာ ၁၀ မိနစ်ကနေ မိနစ် ၂၀ အထိ တရားထိုင်ခြင်းဖြင့် အမြဲအစဉ်အလုပ်များနေရှာတဲ့ စိတ်အာရုံကို ခဏအနားပေးလိုက်တဲ့အခါ ရရှိလာမယ့် ထူးခြားတဲ့အကျိုးကျေးဇူးတွေကို ရှာဖွေခံစားလိုက်ကြရအောင်။
No comments :
Post a Comment